ਕਹਿੰਦੇ ਹੁੰਦੇ ਹਨ ਕਿ ‘ਖੁਸ਼ੀਆਂ ਬੀਜੋ, ਹਾਸੇ ਉਗਣਗੇ’। ਅਤੇ ਸਾਲ ਦਾ ਇਹ ਸਮਾਂ ਹੈ ਆਪਣੇ ਹਿੱਸੇ ਦੇ ਹਾਸੇ-ਖੇੜਿਆਂ ਦੀ ਵਾਢੀ ਕਰਨ ਦਾ। ਸਿਰਫ ਗੱਡੇ ਭਰ ਕੇ ਨਹੀਂ ਸਗੋਂ ਰੇਲਗੱਡੀਆਂ ਭਰ ਕੇ ਹਾਸੇ ਅਤੇ ਖੁਸ਼ੀਆਂ ਆਪਣੇ ਘਰ ਲਿਆਓ! ਆਪ ਸਭ ਨੂੰ GO ਟਰਾਂਸਿਟ ਵੱਲੋਂ ਵਿਸਾਖੀ ਦੀਆਂ ਲੱਖ-ਲੱਖ ਵਧਾਈਆਂ।

ਸਿੱਖਾਂ ਲਈ ਸਭ ਨਾਲੋ ਵੱਧ ਅਹਿਮ ਤਿਉਹਾਰ, ਵਿਸਾਖੀ, ਵਾਢੀ ਦੀਆਂ ਖੁਸ਼ੀਆਂ ਮਨਾਉਣ ਦਾ ਸਮਾਂ ਹੁੰਦਾ ਹੈ। ਜਿਸ ਵਿੱਚ ਕਿਸਾਨ ਸੀਜ਼ਨ ਦੌਰਾਨ ਹੋਈ ਭਰਪੂਰ ਫ਼ਸਲ ਲਈ ਸ਼ੁਕਰਾਨਾ ਕਰਦੇ ਹਨ। ਵਿਸਾਖੀ ਦੇ ਇਹਨਾਂ ਜਸ਼ਨਾਂ ਵਿੱਚ ਭਾਈਚਾਰਕ ਦਾਅਵਤਾਂ, ਸ਼ੁਕਰਾਨੇ ਵਜੋਂ ਗੁਰਦੁਆਰਿਆਂ ਦੀਆਂ ਫੇਰੀਆਂ ਅਤੇ ਨਗਰ ਕੀਰਤਨ ਦੇ ਨਾਲ-ਨਾਲ ਜੋਸ਼ੀਲੇ ਮੇਲੇ ਖੇਤੀਬਾੜੀ ਦੀ ਭਰਪੂਰਤਾ ਅਤੇ ਮੌਸਮ ਦਾ ਅਨੰਦ ਨੂੰ ਦਰਸਾਉਂਦੇ ਹਨ।

ਸਿੱਖ ਭਾਈਚਾਰੇ ਦੇ ਸਭ ਤੋਂ ਵੱਡੇ ਜਸ਼ਨਾਂ ਵਿੱਚੋਂ ਇੱਕ ਹੋਣ ਦੇ ਨਾਤੇ, ਵਿਸਾਖੀ ਸਮਾਂ ਹੈ ਸਾਰਿਆਂ ਦੇ ਲਈ ਆਪਣੇ ਮਨਪਸੰਦ ਲੋਕਾਂ ਨਾਲ ਜਸ਼ਨ ਮਨਾਉਣ ਅਤੇ ਢੋਲ ਦੀ ਥਾਪ ਤੇ ਨੱਚਣ-ਗਾਉਣ ਦਾ। ਕਿਉਂਕਿ ਰਵਾਇਤੀ ਢੋਲ ਅਤੇ ਭੰਗੜੇ ਤੋਂ ਬਿਨਾਂ ਵਿਸਾਖੀ ਦਾ ਜਸ਼ਨ ਪੂਰਾ ਕਿਵੇਂ ਹੋ ਸਕਦਾ ਹੈ? ਪੰਜਾਬੀਆਂ ਦਾ ਹਰਮਨ ਪਿਆਰਾ ਭੰਗੜਾ, ਜੀਵੰਤ ਸੰਗੀਤ, ਉਤਸ਼ਾਹ ਅਤੇ ਆਪਣੇ ਰੰਗੀਨ ਪਹਿਰਾਵੇ ਰਾਹੀਂ ਪੰਜਾਬੀ ਜੀਵਨ ਅਤੇ ਸੱਭਿਆਚਾਰ ਨੂੰ ਦਰਸਾਉਂਦਾ ਹੈ। ਭੰਗੜਾ ਪੰਜਾਬੀ ਭਾਈਚਾਰਕ ਵਿਲੱਖਣਤਾ ਅਤੇ ਮਾਣ ਨੂੰ ਵਧਾਵਾ ਦੇਣ ਦੇ ਨਾਲ-ਨਾਲ ਸੱਭਿਆਚਾਰਕ ਪਛਾਣ ਨੂੰ ਵੀ ਸੁਰੱਖਿਅਤ ਰੱਖਦਾ ਹੈ। ਵਿਸਾਖੀ ਦੇ ਇਹਨਾਂ ਜਸ਼ਨਾਂ ਵਿੱਚ ਤੋਹਫ਼ੇ, ਫੈਂਸੀ ਕੱਪੜੇ ਅਤੇ ਬਹੁਤ ਸਾਰੇ ਸੁਆਦਲੇ ਖਾਣਿਆਂ ਦੀ ਵੀ ਇੱਕ ਬੜੀ ਅਹਿਮ ਭੂਮਿਕਾ ਹੈ।

ਇਸ ਖੁਸ਼ੀਆਂ ਦੇ ਮੌਕੇ ਤੇ ਜੇਕਰ ਤੁਸੀਂ ਕਿਤੇ ਘੁੰਮਣ-ਫਿਰਨ ਜਾਣਾ ਹੋਵੇ ਜਾਂ ਕਿਸੇ ਐਸੇ ਥਾਂ ਜਾਣਾ ਚਾਹੁੰਦੇ ਹੋਵੋ ਜਿੱਥੇ ਰੌਣਕ-ਮੇਲਾ ਹੈ, ਉੱਥੇ ਪਹੁੰਚਣ ਲਈ ਇੱਕ ਸੁਵਿਧਾਜਨਕ ਅਤੇ ਕਿਫਾਇਤੀ ਤਰੀਕਾ, GO Transit ਹੈ।